Pogaçe e shpejtë e butë
Kjo pogaçe përgatitet jashtëzakonisht shpejt, me përbërës që të gjithë i kemi në shtëpi. Ajo do të jetë e gatshme për konsumim, ndërkohë që ju keni bërë gjellën e drekës. Me Shije!
Përbërësit
-
6 gr tharm buke
-
250 ml ujë të vakët
-
1 lugë kripë
-
1 lugë sheqer
-
2 lugë vaj
-
350 gr miell
Udhëzimet
Tharmin e bukës trazojeni me ujë të vakët e sheqer. Lëreni mënjanë që të fermentohet.
Ndërkohë siteni miellin dhe sthojani kripën.
Më pas në miell shtoni tharmin e fermentuar e vajin. Krijoni një topth brumi.
Brumin tëhollojeni direkt me duar në një sipërfaqe të përmillur. Më pas vendoseni në tavën e mbuluar me letër pjekjeje. Mbi pogaçe krijoni disa vrima me pirun.
Gjatë kohës që furra nxehet në 250 gradë, pogacja lihet të pushojë e mbuluar.
Më pas vendoset në furrë. Kur e shikoni që ka nisur të krijojë kore, temperaturën uleni në 180 gradë.
Pogaçja piqet derisa të skuqet mirë. Pas pjekes spërkatet pak me ujë dhe mbulohet me një pecetë.
Përbërësit
| 6 gr tharm buke | |
| 250 ml ujë të vakët | |
| 1 lugë kripë | |
| 1 lugë sheqer | |
| 2 lugë vaj | |
| 350 gr miell |
